Ankush tv18 news network
Jalgaon
ॲग्रोवर्ल्ड कृषी प्रदर्शनात प्रवेशशुल्क वाद; शेतकरी व नागरिकांमध्ये तीव्र नाराजी
सूचना न देता अचानक तिकीट वसुली; प्रदर्शन आयोजकांवर दिशाभूल आणि आर्थिक अन्यायाचे आरोप
सूचनाफलक नाही, माहिती नाही— -ॲग्रोवर्ल्ड कृषी प्रदर्शन प्रवेशद्वारावर थेट ₹२० चे अनधिकृत,बेकायदेशीर तिकीट
जळगावमधील खासगी महाविद्यालयाच्या परिसरात सुरू असलेल्या ‘ॲग्रोवर्ल्ड कृषी प्रदर्शनात’ (Agrowan Agro Exhibition) शेतकऱ्यांची आर्थिक दिशाभूल व सक्तीची तिकीट वसुली झाल्याचा नवा आरोप चर्चेत आला आहे.
कृषी तंत्रज्ञान व प्रगत शेतीची माहिती देण्यासाठी आयोजित करण्यात आलेल्या या प्रदर्शनात कोणतीही आधीची सूचना न देता प्रवेशद्वारावर थेट ₹२० चे तिकीट घेतले जात असल्याने शेतकरी व नागरिकांमध्ये संताप उसळला आहे.
सुरुवातीला मोफत असल्याचा आभास; नंतर अचानक तिकीट!
शेतकऱ्यांचा ओढा वाढावा म्हणून आयोजकांकडून प्रदर्शनाच्या परिसरातील खासगी कुंपण हटवण्यात आले, ज्यामुळे ‘मुक्त प्रवेश’ असल्याचा संदेश लोकांपर्यंत गेला. मात्र प्रवेशद्वारावर पोहोचताच नागरिकांना तिकीट खरेदी करण्यास भाग पाडले जात असल्याचे प्रत्यक्षदर्शींनी सांगितल
ॲग्रोवर्ड कृषी प्रदर्शनात’ (Agrowan Agro Exhibition) video
सर्वसामान्य शेतकरी कृषीविषयक माहिती घेण्यासाठी प्रदर्शनात येतात; परंतु प्रवेशशुल्काबाबत कुठलाही फलक, बोर्ड किंवा बॅनर लावलेले नसल्याने अनेकांना गैरसमज व दिशाभूल झाल्याचे दिसून आले.
अचानक आकारलेल्या शुल्कामुळे नागरिकांनी “ही पद्धत योग्य नाही” असा स्पष्ट रोष व्यक्त केला.
‘शेतकरी की आयोजकांची कमाई?’—नागरिकांचा सवाल
शेतकऱ्यांच्या म्हणण्यानुसार, “कृषी विकासाचा गाजावाजा केला जातो, पण प्रवेशद्वारावर पैसे काढणे म्हणजे शेतकऱ्यांच्या भावना आणि विश्वासाची थेट गळचेपी आहे.”
जिल्हा प्रशासनाच्या हस्तक्षेपाची मागणी.
या संपूर्ण प्रकरणाची चौकशी करून अघोषित शुल्क तात्काळ बंद करावे, तसेच आयोजकांवर योग्य ती कारवाई करावी, अशी मागणी नागरिक आणि शेतकरी यांनी प्रशासनाकडे केली आहे.
या घटनेमुळे प्रदर्शनाविषयी अविश्वास आणि नाराजीचे वातावरण निर्माण झाले आहे.
