रोटरी क्लब ऑफ अकोट तर्फे रोटरी आय हॉस्पिटल येथे अकोट शहरातील व परिसरातील गणमान्य अभियंत्यांचा सन्मान सोहळा मोठया उत्साहात संपन्न

ankush tv18 news network

अकोट: निळकंठ वसू

सर मोक्षगुंडम विश्वेश्वरय्या यांचा जन्मदिवस अभियंता दिवस म्हणून संपूर्ण देशभर साजरा करण्यात येतो. त्या दिनाचे औचित्य साधून आज दि. १५ सप्टेंबर रोजी रोटरी क्लब ऑफ अकोट तर्फे रोटरी आय हॉस्पिटल येथे अकोट शहरातील व परिसरातील गणमान्य अभियंत्यांचा सन्मान सोहळा मोठया उत्साहात संपन्न झाला.
सर्वप्रथम रोटे. शिरीष पोटे यांनी आपल्या प्रास्ताविकातून उपस्थितांना अभियंता दिनाचे महत्व विशद करत रोटरी क्लब या समाजसेवी संघटनेच्या कार्यप्रणालीची माहिती सांगितली. तसेच रोटे राजकुमार गांधी यांनी रोटरी चॅरिटेबल ट्रस्ट च्या प्रोजेक्ट्स विषयी माहिती देत उपस्थित अभियंत्यांनी रोटरी चळवळीमध्ये सामील होण्याचे आवाहन केले. प्रमुख अतिथी रोटे प्रमोद लहाने यांनी सर मोक्षगुंडम विश्वेश्वरय्या यांनी अभियांत्रिकी क्षेत्रात केलेल्या महत्त्वपूर्ण योगदानाचे महत्व पटवून दिले. अध्यक्ष रोटे रवि पवार यांनी रोटरी क्लब ऑफ अकोट तर्फे राबविलेल्या प्रकल्पांची सविस्तर माहिती दिली.बंगलोर येथील शासकीय इंजिनियरिंग कॉलेजमधून पदवी प्राप्त करून इस्रो सारख्या सुप्रसिद्ध संस्थेमध्ये महत्त्वपूर्ण प्रकल्पामध्ये सेवा दिल्याबद्दल रोटे विजयजी झुनझुनवाला यांना शाल, श्रीफळ व सन्मानचिन्ह देऊन गौरविण्यात आले.
या प्रसंगी इंजि. प्रमोद लहाने,धनंजय बोबडे, सचिन बेलोकर, शिरीष वरणकार, समाधान चौरे, बबन जायले, सचिन कपले, जयेश ताडे, स्वप्नील नेसणेसकर, काशिफ पटेल, विपिन डांगरे, कौशिक गुजर, अजय तेलगोटे, भानु प्रताप बघेले, प्रफुल भगत, ठोकळ, राजेश येऊल, शुभम बोरोडे, शहाबुल हक यांचा शाल, श्रीफळ व सन्मानचिन्ह देऊन सत्कार करण्यात आला. तसेच रोटे सुरेश व्यवहारे, रोटे संतोष इस्तापे, दीपक कतोरे , श्याम शर्मा, श्याम पिंपळे, डॉ नावेश मोहता,कमल झुनझुनवाला व विजय सेदाणी यांनी उपस्थित अभियंत्यांचे पुष्पगुच्च देऊन स्वागत केले. कार्यक्रमाचे संचलन प्रकल्प प्रमुख रोटे हिमांशु अग्रवाल तर आभार रोटे उध्दव गणगणे यांनी मानले. राष्ट्रगीताने कार्यक्रमाची सांगता झाली.