देवरी फाटा येथे Mandhan Foundation ची सामाजिक भेट – सविस्तर वृत्त
फासेपार्दी समाजासाठी ‘ओपन शेल्टर’ आणि आत्मनिर्भर उपक्रमांचा संकल्प
अकोट (अकोला जि.) –
सामाजिक विकास आणि वंचित घटकांच्या पुनर्वसनासाठी सातत्याने काम करणाऱ्या मानधन फाउंडेशनने देवरी फाटा परिसराचा सखोल सामाजिक अभ्यास करून फासेपार्दी समाजाची वास्तविक परिस्थिती प्रत्यक्ष पाहिली. या भेटीत समाजाची दयनीय स्थिती आणि मूलभूत सुविधांचा मोठ्या प्रमाणात अभाव निदर्शनास आला.
🔎 प्रत्यक्ष पाहणीच्या वेळी समोर आलेली परिस्थिती
फाउंडेशनचे स्वयंसेवक श्री. निलकंठ वसू पाटील यांनी मैदानावर जाऊन कुटुंबांची परिस्थिती, त्यांच्या मुलांचे आरोग्य, शिक्षणाची पातळी आणि महिला-तरुणींच्या गरजा यांचे तपशीलवार सर्वेक्षण केले.
या वेळी फाउंडेशनच्या ट्रस्ट सदस्य सौ. निर्मलाताई देशमुख यांनीही कुटुंबांशी संवाद साधत त्यांची अडचणी जाणून घेतल्या.
सर्वेक्षणात उघड झाले की—
६ ते १८ वयोगटातील किमान ५० मुले शाळेबाहेर असून कोणतीही शिक्षण सुविधा उपलब्ध नाही.
० ते ६ वयोगटातील १०–१५ लहान मुले गंभीर कुपोषण आणि आरोग्य समस्यांना सामोरे जात आहेत.
बहुतांश कुटुंबांचा उदरनिर्वाह भिक्षा, जंगलातील शिकार किंवा लाकूड गोळा करण्यावर आधारित आहे.
निवारा, स्वच्छ पाणी, ओळखपत्रे, आरोग्य तपासणी यांची सुविधा अत्यंत अपुरी आहे.
🏠 ‘ओपन शेल्टर’ उभारण्याचा संकल्प
ही स्थिती पाहता मानधन फाउंडेशनने राज्य महिला व बालकल्याण विभागाशी समन्वय साधून देवरी फाट्यात ‘Open Shelter’ केंद्र सुरू करण्याचा निर्णय घेतला आहे.
या केंद्रात—
मुलांचे निवास, पौष्टिक आहार,प्राथमिक व औपचारिक शिक्षण,आरोग्य तपासणी, मानसिक व शारीरिक विकास कार्यक्रम यांची व्यवस्था करण्यात येणार आहे.
फाउंडेशनच्या प्रतिनिधींनी सांगितले—
“फासेपार्दी समाजातील मुलांना सुरक्षित वातावरण, शिक्षणाची संधी व चांगले राहणीमान मिळावे यासाठी आम्ही ठोस उपक्रम सुरू करणार आहोत. तसेच महिलांच्या सक्षमीकरणासाठी विशेष योजना राबवणार आहोत.”
🐝 मधमाशी
पालन प्रशिक्षण – आत्मनिर्भरतेकडे पाऊल
मानधन फाउंडेशनने भेटीदरम्यान आणखी एक महत्वाचा उपक्रम जाहीर केला—
मधमाशी पालन (Bee Keeping) प्रशिक्षण व सेटअप देणे.या उपक्रमाचे उद्दिष्ट:
महिलांना व युवकांना रोजगाराचे साधन उपलब्ध करणे, कुटुंबांचा आर्थिक स्तर उंचावणे , समाजाला भटकंती जीवनातून बाहेर काढून स्थिरता मिळवून देणे या योजनेंतर्गत लाभार्थदेखील मांडली आहे.
